Æртхъирæны мæйы (февралы) 23-æм бон бæрæг кæнæм æппæт Уæрæсеимæ куыд Фыдыбæстæйы хъахъхъæнæджы бон. Фыццаджыдæр æй фæбæрæг кæнынц æфсад. Фæлæ алы нæлгоймагмæ дæр уыцы хæс ис: куы бахъæуа, уæд Фыдыбæстæйы арæнтæ сæхгæнын æмæ дзы ‘знаджы фæд дæр куыд нæ фендæуа, афтæ.
Уыцы бон куы ‘рбацæуы, уæд мах нæ зæрдыл æрлæудын кæнæм нæ хъæбатырты, нæ инæлæрты, кæцытæ хæсты быдыры равдыстой сæ лæгдзинад, æмæ ирон адайæмаджы номæн скодтой стыр кад. Ахæмтæй иу у, æнæмæнг, Слонаты Алымбег. Æмæ йæ хуызæттæ бирæ уыдысты.
Ахсджиаг у, сабырдзинад кæй руаджы æрцыдис, уыдоны нæмттæ нæ ферох кæнын, кæстæрты раст хъомыладæн сæ дæнцæгæн хæссын. Советон Цæдисы Хъæбатыр Моргуаты Бекы ном хæссы Кæрдзыны астæуккаг скъола. Сæрмагонд къуымы ис бирæ æрмæг йæ хæстон сгуыхтдзинæдты тыххæй. Хъæуы уынгтæй иу у йæ номыл. Ахуыргæнджытæ стыр æргом ‘здахынц патриотикон хъомыладмæ, æмæ лæгдзинады урокты ахуыргæнинæгтæн æмбарын фæкæнынц Бекы хæстон, фæллойадон фæндæгты тыххæй.
Маргоцы-фырт, Фыдыбæстæйы Стыр хæстæй сыздæхгæйæ, стыр активонæй куыста базарадон хайады. Цардис Дзæуджыхъæуы, фæлæ арæх бæрæг кодта йæ райгуы- рæн хъæу Кæрдзыны хистæрты. Æмбæлдис хъæуы фæсивæдимæ æмæ стыр куыст кодта се ’хсæн патриотикон хъомылад парахат кæныныл. Цымыдисæй йæм-иу хъуыстой. Цы бирæ фарстатæ йæм-иу лæвæрдтой, уыдонæн-иу радта бæлвырд дзуæппытæ. Хорз уаид, цы хæдзары райгуырд æмæ хъомыл кодта, уый къулыл дæр Уæлахизы 72 азы бонмæ номарæн фæйнæг æвæрд куы æрцæуид. Æ
нæстъалыджын хъæбатыр Слонаты Алыбеджы хæстон хабæртты тыххæй газетты бирæ æрмæг фыст æрцыдис. Æрæджы фыссæг Л. Майсурадзе, Æппæтдунеон æхсæнадон змæлд «Иры стыр ныхас»-ы ирон æгъдæутты комитеты уæнг Моргуаты Эдиславы зæрдиаг æххуысы фæрцы ныффыста чиныг «Уникальный полет Алибека Слонова». Чиныгæн презентаци дæр уыдис республикæйы национ библиотекæйы. Хорз уаид, районы библиотекæйы уыцы номарæн чиныгæй чиныгкæсджыты конференцитæ куы саразиккой Уæлахизы 72 азы агъоммæ, уæд.
Булкъонтæ Алиаты Хусинæ, Бордзаты Мæхæмæт, Гадзиаты Фатбег, Къониаты Мустафа, Дзгойты Азæмæт, Парсиаты Ибра- гим Фыдыбæстæйы Стыр хæсты архайдтой йæ райдианæй суанг йæ фæуынмæ, æмæ дзы хъæбатрдзинæдтæ кæй равдыстой, ууыл дзурæг сты сæ бирæ хæрзиуджытæ. Кæд хæстæй сыздæхтысты сæрыгасæй, уæддæр дзы абон иу дæр æгас нал у. Цы хæдзæртты райгуырдысты æмæ хъомыл кодтой, уыдоныл бæрæгбоны агъоммæ номарæн фæйнæджытæ æвæрд куы ’рцæуид. Уымæн та бирæ æхцайы фæрæзтæ нæ хъæуы.
Фыдыбææстæйы Стыр хæст стыр зиантæ æрхаста Дарг-Къохы æфсæнвæндаджы станцæйæн дæр. Æфсæнвæндаджы разамонджытæ се ’ргом бæргæ аздæхтой станцæйы аивдзинадмæ æмæ сын сæ хуыз скалын кодтой, фæлæ 1942 азы станцæйыл немыцаг хæдтæхджытæ æрызгъæлдтой бомбæтæ æмæ дзы бацарæфтыд æртæсæдæ адæймаджы бæрц. Уыдон ныгæд æрцыдысты станцæйы рахиз фарс перронæй фондз метры æддæдæр. Сæ фылдæр уыдысты хæстонтæ æмæ æфсæнвæндаджы кусджытæ. Уыцы рæстæг сын æвæрд æрцыдис хуымæтæджы ныллæг цыртдзæвæн. Ныгæд дзы чиис, цыртдзæвæныл уыдоны мыггæгты фыст зынгæ дæр нал кæны. Æфсæнвæндаджы уæлдæр хицауад куы æркæсид ацы фарстамæ, æмæ æдзард хæстонты æфсымæрон ингæныл æмбæлгæ хуызы цыртдзæвææн æвæрд куы ’рцæуид, уæд сæ куыд сæ бинонтææ, афтæ æппæт фæндаггон адæм дæр бузныг уаиккой.
Ныртæккæ астæуккаг скъолайы æмæ филиалы ахуыргæнджытæ се ’ргом аздæхтой, цы стендтæ сæм ис, уыдон ноджы саивдæр кæнынмæ. Ивгъуыд аз хъæуы астæу, куль- турæйы Хæдзары кæрты, Фыдыбæстæйы Стыр хæсты хъæуккæгтæй чи фæмард, уыдонæн æвæрд æрцы дис номарæн цыртдзæвæн. Йæ кæрт ын сыгъдæг дарынц администрацийы кусджытæ æмæ астæуккаг скъолайы филиалы ахуыргæнинæгтæ. Уый дæр у аудындзинад.
Богазты Арсæмæг
↑ Наверх
