Мадæлон æвзаджы æппæтдунеон бон. Официальный сайт Администрации Президента Республика Южная Осетия

Константин Кочиев: «Тот день сплотил всю Южную Осетию» — Поздравление Уполномоченного при Президенте РЮО по правам ребенка Аэлиты Джиоевой со Всемирным днем ребенка — Обсуждение инцидентов на границе: итоги 122-й встречи в рамках МПРИ — Алан Чочиев: «Взаимодействие молодежи на базе «Иры Стыр Ныхас» позволит вырабатывать единое мнение» — Руководитель делегации Южной Осетии подвел итоги 62-раунда Женевских дискуссий — Георгий Кочиев: «Будущее развитие и становление Южной Осетии зависит от максимальной консолидации нашего народа» — В Женеве прошел очередной раунд Международных дискуссий по Закавказью — Главы делегаций Южной Осетии и Абхазии обсудили приоритетные задачи очередного раунда Женевских дискуссий — Предвыборные заявления «Грузинской Мечты» будут забыты — Юрий Вазагов о прошедших в Грузии парламентских выборах — Юрий Вазагов: «Грузии навязывают пресловутый украинский сценарий при прямом участии западных стран» — Георгий Кочиев: «Тесное взаимодействие двух Парламентов в скором времени станет более очевидным» — Алан Зассеев об участии в спортивном форуме в Уфе — Алан Зассеев примет участие в крупнейшем спортивном форуме в Уфе — Инал Тасоев об итогах участия в международной конференции в Москве — Аэлита Джиоева об участии в международной конференции в Москве — Возложение цветов к памятнику Коста Хетагурова — Алан Зассеев завоевал золотую медаль чемпиона мира среди мастеров ковра — Омбудсмены Южной Осетии участвуют в международной конференции в Москве — Вячеслав Гобозов: «Заявлении грузинских политиков — это повторение прежних позиций» —

Мадæлон æвзаджы æппæтдунеон бон

21.02.2021

Абон 21 феврале дунейы адæмыхæттытæ бæрæг кæнынц сæ мадæлон æвзаджы бон. Ирон æвзаг у нæ хæзна æмæ не стырдæр хæс у канд йæ бахъахъхъæнын нæ, фæлæ йæ райрæзтыл архайын. 2000 азы 21 февралæй ЮНЕСКО-йы Генералон конференци сфидар кодта мадæлон æвзаджы æппæтдунеон бон. Уæдæй фæстæмæ йæ алы бæстæты бæрæг кæнынц уыимæ – Ирыстоны дæр.

Махæй алчи дæр хорз æмбары, куыд стыр хæзна у ирон æвзаг. Нæ кадджын фыдæлтæ нын æй æнусты арфæй, цæстыгагуыйау хъахъхъæнгæ, æрхастой рæсугъдæй. Æнæ ирон æвзаг нæй ирондзинад, ирон æгъдау, ирон фарн.

Хъæздыг æмæ рæсугъд у нæ мадæлон æвзаг. Æхцон æмæ æввахс у махæй алкæй зæрдæмæ дæр йæ зæлынад. Фидар æмæ æнæаскъуыйгæ тæгтæй баст у алы ирон адæймаджы удварн æмæ миддунеимæ, сæйраджы та – нæ историимæ.

Нæ фыдæлтæн мах хъуамæ аргъ кæнæм, цы нын не ‘рхастой уый тыххæй нæ, фæлæ нын цы ‘рхастой, уый тыххæй.

Дæ мад дæ цы ‘взагыл хъомыл кодта, дæ алыварс адæмимæ цы ‘взагыл дзурыс – уый æндæр æвзагæй баивын тыхми у. Дæ мадæлон æвзагыл цы таурæгътæ æмæ æмбисæндтæ базыдтай, цы æгъдæуттыл схъомыл дæ, уыдонæн ферохгæнæн нæй. Уыдон зæрдыл даргæйæ, æвзагимæ баст традицитæ æххæстгонд цæудзысты дарддæр, æвзаг цæрдзæн фæлтæрæй фæлтæрмæ.

Мадæлон æвзаджы бæрæгбон, уый тынг хорз хъуыддаг у, уымæн æмæ алы адæмыхатты минæвар дæр хъуамæ зона йæхи мадæлон æвзаг, уый фæстæ та æндæр æвзæгтæ дæр. Кæд ирон адæмы тыххæй дзурæм, уæд абон фылдæр се ‘ргом здахынц сæ мадæлон æвзагмæ, æмæ афтæ дарддæр дæр куы уа, уæд нæ фидæн хуыздæр уыдзæн.

Цалынмæ æвзаг цæры, уæдмæ адæмыхатт дæр æнæмæлгæ у. Ис байсæн зæххытæ, паддзахадон æмæ культурон хæзнатæн, фæлæ адæмæн сæ бон æвзаг бахъахъхъæнын куы уа, уæд сын тас ницæмæй у. Уыимæ ацы бæрæгбонæн ис стыр хъомыладон нысаниуæг – мадæлон æвзагмæ уарзондзинад гуырын æмæ фидардæр кæнын.

Ирыстоны цæрджытæ 15 майы бæрæг кæнынц ирон æвзаджы бæрæгбон. Фæлæ 21 февраль, Мадæлон æвзаджы æппæтдунеон бон дæр æхсызгон бæрæгбоныл нымайынц. Радон хатт адæмæн саразынц цымыдисаг мадзæлттæ, фембæлдтытæ, равдыстытæ. Радзурынц æвзаджы рæсугъддзинад æмæ хъæздыгдзинадыл. Сæйрагдæр та, цы ахадындзинад ын ис, ууыл.

газет «Хурзæрин»

↑ Наверх